İSRAİL XARİCİ İŞLƏR NAZİRİNİN ETİRAFI
İsrailin xarici işlər naziri Şimon Peres Amerikanın Si-En-En teleşirkətinin müxbirinə müsahibəsində demişdir: “Yasir Ərəfat Fələstin xalqının seçilmiş lideridir və onu bu vəzifədən uzaqlaşdırmağa fələstinlilərdən savayı heç kimin haqqı yoxdur”.
“Amma Ərəfat da az səhvlər buraxmayıbdır” - deyən Peres Fələstin Muxtariyyətinin başçısını “siyasəti dəyişdirməyə və bundan əvvəl öz üzərinə götürdüyü öhdəliklərə müvafiq surətdə hərəkət etməyə” çağırmışdır.
İTAR-TASS-ın verdiyi xəbərə görə, İsrail naziri ABŞ-ın dövlət katibi Kolin Pauellin belə bir fikri ilə razılaşmışdır ki, gələcək sülh konfransında Ərəfatın iştirakı vacib deyildir. Peres demişdir ki, nümayəndəlik səviyyəsini və bununla bağlı gündəliyi konfransa zorla qəbul etdirmək olmaz.
Bölmənin digər xəbərləri
