İSVEÇ KOMANDASININ TƏRKİBİNDƏ ÇIXIŞ EDƏN ERMƏNİ GÜLƏŞÇİSİ BÜRÜNC MEDALDAN MƏHRUM EDİLMİŞDİR
AZƏRTAC xəbər verir ki, 2004-cü il Olimpiya oyunlarının gümüş mükafatçısı, İsveç bayrağı altında çıxış edən erməni əsilli yunan-Roma güləşçisi Ara Abramyan “idmana layiq olmayan hərəkətlərinə görə” bürünc medaldan məhrum edilmişdir. Bunu Beynəlxalq Olimpiya Komitəsinin intizam komissiyasının sədri Tomas Bax bildirmişdir.
Xatırladaq ki, 84 kiloqram çəki dərəcəsində qaliblərin mükafatlandırılma mərasimində Abramyan medaldan imtina etmişdir. O, mükafatı nümayişkaranə şəkildə xalça üzərinə ataraq salonu tərk etmişdir.
İdmançı demişdir ki, o, bununla yarımfinalda italiyalı Andrea Minqutssinin xeyrinə qərar çıxarmış hakimlərə etirazını bildirmişdir.
Xatırladaq ki, həmin bürünc medal heç bir idmançıya verilməyəcəkdir.
Bölmənin digər xəbərləri
