İSVEÇİN “MAKDONALDS” ŞƏBƏKƏSİNİN YÜK MAŞINLARI KARTOFUN QIZARDILMASI ÜÇÜN İSTİFADƏ EDİLMİŞ YAĞLA İŞLƏYƏCƏKDİR
AZƏRTAC xəbər verir ki, İsvecin “Makdonalds” restoranlar şəbəkəsi öz yük maşınlarının bakını kartofqızardan qurğuların işlənmiş yağından istehsal edilən bioyanacaqla dolduracaqdır. Ekspertlərin hesablamalarına görə, restoranlar şəbəkəsi artıq bu ilin yayından özünü yanacaqla tam təmin edə biləcək və tullantıların emal edilməsinin tam dövriyyəsinə malik müəssisə olacaqdır. Bununla belə, bioyanacaq adi dizel yanacağından nə baha, nə də ki, ucuz olacaqdır.
Yağın “yaşıl” yanacağa çevrilməsi prosesslərindən artıq digər Avropa ölkələrində, məsələn, Avstriyada və Böyük Britaniyada istifadə olunur. Əvvəllər isə “Makdonalds” şəbəkəsi işlənmiş yağı emal üçün dodaq boyası və sabun hazırlayan kosmetika sənayesi müəssisələrinə göndərirdi.
Bölmənin digər xəbərləri
