İtaliyada kənd təsərrüfatı işçilərinin üçdəbiri immiqrantlardır
Roma, 3 noyabr, AZƏRTAC
İtaliyada kənd təsərrüfatı sektorunda çalışanların üçdəbirini immiqrantlar təşkil edir.
AZƏRTAC xəbər verir ki, İtaliyanın Miqrasiya Araşdırma Mərkəzinin (Immigrazione Dossier Statistico - IDOS) hesabatına görə, ötən il İtaliyanın kənd təsərrüfatı sektorunda çalışan 900 min nəfərdən 357 min 768-i immiqrantlar olub.
Müstəqil ekspertlər bu rəqəmin daha çox olduğunu və bəzi immiqrantların qeydiyyata alınmadığını bildirirlər.
İtaliya Fermerlər Konfederasiyası (Confederazione Italiana Agricoltori - CIA) isə immiqrantların ölkənin kənd təsərrüfatı sektoru üçün xüsusi əhəmiyyət kəsb etdiyini açıqlayıb. Qeyd olunub ki, hökumət immiqrantların kənd təsərrüfatı sektorunda məşğulluğunun artırılması üçün lazımi islahatları tez bir zamanda həyata keçirməlidir.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
