İtaliyada veteran şahmatçılar arasında komanda dünya çempionatı keçiriləcək
Bakı, 8 aprel, AZƏRTAC
Bu il iyunun 19-30-da İtaliyada 50 və 65 yaşdan yuxarı şahmatçılar arasında komanda dünya çempionatı keçiriləcək.
AZƏRTAC xəbər verir ki, bu barədə Beynəlxalq Şahmat Federasiyasının rəsmi saytında məlumat verilib. Qeyd edilib ki, hər komandanın heyəti 4 əsas və 1 ehtiyat oyunçudan ibarət olacaq.
Çempionatın mükafat fondu 10 min avro təşkil edir. Hər kateqoriya üzrə ilk 3 yeri tutan komandalara kubok və medallar təqdim ediləcək. Hər lövhədə ilk 3-lükdə qərarlaşan şahmatçılara isə əlavə mükafatlar (kuboklar və medallar) veriləcək.
Turnirin birinci mərhələsi iyunun 20-də başlayacaq, qalib isə iyunun 29-da müəyyənləşəcək.
Bölmənin digər xəbərləri
