İYULUN 21-DƏN BAKI-QARS REYSİ İLƏ TƏYYARƏLƏRİN UÇUŞLARI BAŞLAYACAQDIR
AZƏRTAC-ın xüsusi müxbiri xəbər verir ki, iyulun 21-dən Bakı-Qars reysi ilə təyyarənin uçuşları başlayacaqdır. Bu barədə jurnalistlərə məlumat verən Azərbaycanın Qarsdakı baş konsulu Həsən Zeynalov bildirmişdir ki, Bakıdan gələn ilk təyyarə həmin gün səhər saat 7.45-də Qars şəhərinin hava limanına enəcəkdir.
Baş konsul onu da əlavə etmişdir ki, Qarsa enəcək ilk təyyarədə Azərbaycanda gələn nümayəndə heyətinin iştirakı ilə mərasim təşkil olunacaqdır. Beləliklə, Bakıdan gələn təyyarə ilə Qarsa ilk beynəlxalq uçuş həyata keçirilmiş olacaqdır.
Qarslılar vilayətin həyatında bu əlamətdar hadisə ilə bağlı minnətdarlıqlarını bildirmişlər. Uçuşlar həm onların Bakıdakı qohumları ilə görüşlərini asanlaşdıracaq, həm də ticarət əlaqələrinə təkan verəcəkdir.
Bölmənin digər xəbərləri
