JURNALİSTLƏR VƏ TƏLƏBƏLƏR ÜÇÜN SEMİNAR KEÇİRİLMİŞDİR
Seminarda iyunun 5-dən başlayaraq “Bakıda DTT həftəsi” adlı tədbir çərçivəsində Milli Məclisin deputatları, hökumət strukturları və qeyri-hökumət təşkilatları nümayəndələrinin iştirakı ilə keçirilmiş dəyirmi masa, diskussiya və məşğələlər haqqında qısa məlumat verilmişdir.
Moskvalı mütəxəssis Olqa Ponizova Qırğızıstanın timsalında bu ölkənin DTT-nin üzvü olduqdan sonra qazandığı üstünlüklər, eləcə də yaranmış problemlər haqqında, Xarici İşlər Nazirliyinin əməkdaşı Şövqi Mehdizadə isə DTT-nin beynəlxalq təşkilat kimi dünyada rolu, Azərbaycanın DTT-yə üzv qəbul olunmasının sosial-iqtisadi nəticələri və üzvlüyə dair danışıqların hazırkı vəziyyəti barədə söz açmışlar. Bildirilmişdir ki, ölkəmizin DTT-yə üzv qəbul olunmasını tezləşdirmək üçün qanunvericilikdə, ilk növbədə, ticarətlə bağlı olan gömrük, vergi və standartlaşdırma sahələrinə aid normativ-hüquqi aktlarda bir sıra dəyişikliklər edilməlidir.
Sonda KİV nümayəndələrinin və tələbələrin suallarına cavab verilmişdir.
Bölmənin digər xəbərləri
