Karate 1 Premyer Liqa turniri Rusiyada keçirilməyəcək
Bakı, 28 fevral, AZƏRTAC
Bu ilin oktyabrında Rusiyada keçirilməsi nəzərdə tutulan Karate 1 Premyer Liqa turnirinin yerinin dəyişdirilməsi ilə bağlı qərar qəbul edilib.
AZƏRTAC xəbər verir ki, bu barədə Dünya Karate Federasiyasının (WKF) rəsmi saytında məlumat verilib.
WKF-in 2022-ci ildə Karate 1 Premyer Liqa turnirlərinin sayını olduğu kimi (5 turnir) saxlamaq niyyətində olduğundan yarış üçün yeni məkan axtarışına başlayıb.
Məlumatda qeyd edilir ki, Şərqi Avropada və dünyada sülhün və sabitliyin tezliklə bərpasına ümid edən qurum karateçilərin müdafiəsi, eyni zamanda, bütün yarışlarda idmançılar üçün ən yaxşı şəraiti təmin etmək üçün əlindən gələni etməyə davam edəcək.
Xatırladaq ki, Moskvadakı turnir oktyabrın 7-9-da keçirilməli idi.
Bölmənin digər xəbərləri
