“KATRİNA” ABŞ TARİXİNDƏ RƏSMƏN ƏN VİRANEDİCİ QASIRĞA HESAB EDİLMİŞDİR
“Katrina”nın tüğyan etdiyi vaxtda küləyin sürəti saatda 175 milə çatmış, onun mərkəzində atmosfer təzyiqi isə 902 millibaradək aşağı düşmüşdür. Bundan aşağı təzyiq yalnız üç Atlantik fırtınası zamanı qeydə alınmışdır.
Hesab edilir ki, atmosfer təzyiqi nə qədər aşağıdırsa, qasırğa bir o qədər güclüdür. Atlantik okeanı üzərində formalaşmış qasırğalar arasında ən güclüsü 1988-ci ildə baş vermiş “Gilbert” fırtınası sayılır. Onun mərkəzində təzyiq 888 millibaradək aşağı düşmüşdü. Dəniz üzərində orta atmosfer təzyiqi 1,016 millibar olmuşdu.
İlkin hesablamalara görə, “Katrina”nın vurduğu ziyanın ümumi məbləği 125 milyard dollara çatacaqdır. Sığorta şirkətləri isə 60 milyard dollar məbləğində kompensasiya ödəməli olacaqlar. O ki qaldı “Katrina” qasırğası qurbanlarının sayına, son məlumata görə, onlar 792 nəfərdir.
Bölmənin digər xəbərləri
