Kazanda birinci MDB Oyunları davam edir
Bakı, 10 sentyabr, AZƏRTAC
Rusiyanın Kazan şəhərində keçirilən birinci MDB Oyunlarında bu gün Azərbaycan idmanın 5 növü üzrə yarışlarda təmsil olunacaq.
AZƏRTAC xəbər verir ki, bu gün, həmçinin karateçilər mübarizəyə qoşulacaqlar. Onlar kata və kumite yarışlarında güclərini sınayacaqlar.
Cüdo üzrə millimiz dörddəbir finalda Qırğızıstan, futzal yığması isə beşinci yer uğrunda görüşdə Moldova ilə üz-üzə gələcək.
Badmintonçular qoşa, qarışıq qoşa və fərdi, stolüstü tennisçilər isə qarışıq qoşa yarışlarda iştirak edəcəklər.
Qeyd edək ki, hazırda Azərbaycan komandasının aktivində 46 (13 qızıl, 10 gümüş və 23 bürünc) medal var.
Bölmənin digər xəbərləri
