Keçmiş məcburi köçkün: Oğlumu və nəvələrimi Füzuliyə yola salıram, tezliklə özüm də köçəcəyəm
Bakı, 7 sentyabr, AZƏRTAC
Mən bu gün oğlumu və nəvələrimi yola salıram. Tezliklə özüm də Füzuliyə köçəcəyəm. Yurduma qayıtmağı səbirsizliklə gözləyirəm.
Bu sözləri AZƏRTAC-a müsahibəsində Füzuli sakini İsaq Nəsirov deyib.
“Mən Bakıya gələndə oğlum birinci sinif şagirdi idi. Artıq illər keçib, nəvələrim də var və onlar dədə-baba yurdlarına geri dönürlər. Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə rəşadətli Ordumuz torpaqlarımızı işğaldan azad etdi”, - deyən İsaq Nəsirov Allahdan şəhidlərimizə rəhmət diləyib, qazilərimizə cansağlığı arzulayıb.
Yaxın zamanda öz yurduna köçəcəyini diqqətə çatdıran Füzuli sakini doğma torpaqlarında hər şeyin daha da gözəl olacağına ümid edir.
Bölmənin digər xəbərləri
