Kənd Təsərrüfatı Nazirliyində kollegiya iclası keçirilib
Bakı, 21 fevral, AZƏRTAC
Kənd Təsərrüfatı Nazirliyində kollegiya iclası keçirilib.
Nazirliyin İctimaiyyətlə əlaqələr və informasiya təminatı şöbəsindən AZƏRTAC-a bildirilib ki, Kollegiyanın sədri, kənd təsərrüfatı naziri İnam Kərimov iclasda çıxış edərək Prezident İlham Əliyevin rəhbərliyi ilə aqrar sahənin inkişafı istiqamətlərində həyata keçirilən tədbirlər, qəbul olunan qərarlar, 2022-ci təsərrüfat ilinin yekunları, aqrar sığorta sisteminin tətbiqinin genişlənməsi, subsidiya mexanizminin təkmilləşdirilməsi, bitkiçilik və heyvandarlığın inkişafı istiqamətində görülən işlər barədə geniş məlumat verib.
Kollegiya iclasında kənd təsərrüfatı nazirinin müavini İlhamə Qədimova kənd təsərrüfatı fəaliyyətinin təşkilinə dair əsasnamə və qaydalarda edilmiş dəyişikliklər, Elektron Kənd Təsərrüfatı İnformasiya Sisteminin təkmilləşdirilməsi, Naxçıvan Muxtar Respublikasının kənd təsərrüfatı naziri Bəhruz Bayramov muxtar respublikada aqrar sahədə mövcud vəziyyət, nazirliyin müvafiq şöbə və tabeli qurumlarının rəhbərləri yeni təsərrüfat ilinə hazırlıq istiqamətində görülən işlər barədə məruzə ediblər.
Yekunda kollegiya üzvlərinə qarşıda duran vəzifələrin və yeni fəaliyyət planlarının icrası ilə bağlı konkret tapşırıqlar verilib.
Bölmənin digər xəbərləri
