“Kəpəz”in baş məşqçisi: Stres və gərginlikdən çıxmağın yollarını axtarırdıq
Bakı, 17 oktyabr, AZƏRTAC
Şükürlər olsun ki, qələbə qazandıq, azarkeşlərimizi sevindirdik.
AZƏRTAC xəbər verir ki, bu sözləri “Kəpəz”in baş məşqçisi Azər Bağırov Misli Premyer Liqasında “Şamaxı”ya 4:1 hesabı ilə qalib gəldikləri VIII tur oyunundan sonra mətbuat konfransında deyib.
Mütəxəssis qələbəni azarkeşlərə həsr etdiyini bildirib: “Xüsusən də Babək adlı azyaşlı azarkeşimizə həsr edirik. Gəncədən çıxarkən mənə mütləq qələbə qazanacağımıza inandığını bildirdi. Çətin oyun olacağını bilirdik. Bu stresdən, gərginlikdən çıxmağın yollarını axtarırdıq. İnanıram ki, bu, bir açar olacaq. Yaxşı formalaşmış komandaya qarşı oynadıq. "Şamaxı" necə oynamaq lazım olduğunu bilir. Biz də təhlillərimizi aparmışdıq”.
Qeyd edək ki, bu nəticədən sonra aktivində 3 xalı olan “Kəpəz” sonuncu – 12-ci, 9 xala malik “Şamaxı” isə 7-ci pillədə qərarlaşıb.
Bölmənin digər xəbərləri
