Kir Starmer: Aİ ilə münasibətləri yaxşılaşdırmaq üçün iş artıq başlayıb
London, 8 iyul, AZƏRTAC
Britaniyanın yeni Baş naziri Kir Starmer Avropa İttifaqı (Aİ) ilə münasibətləri yaxşılaşdırmaq üçün işlərə artıq başlandığını söyləyib.
AZƏRTAC xəbər verir ki, Kir Starmer sabiq Baş nazir Boris Consonun daha əvvəl Aİ ilə bağladığı müqaviləni "uğursuz" adlandırıb, Brüssellə daha yaxşı ticarət və təhlükəsizlik münasibətləri qurmaq istədiyini deyib.
O, Böyük Britaniyanın Aİ ilə azad ticarət sazişi bağlayıb-bağlamayacağı ilə bağlı suala da cavab verib. Qeyd edib ki, Britaniya Aİ ilə əlaqələri yaxşılaşdırmaq niyyətindədir. “Aydındır ki, geniş müzakirələr və danışıqlar aparılmalıdır, lakin mən düşünürəm ki, biz Boris Consonun uğursuz razılaşmasından daha yaxşı bir razılaşma əldə edə bilərik. Bu münasibətlər Aİ daxilində liderlərlə söhbətdən asılıdır və təbii ki, bu iş artıq başlayıb”, - deyə Baş nazir qeyd edib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
