Kişi voleybolçulardan ibarət Azərbaycan millisi Gümüş Avropa Liqası yarışlarında iştirak edəcək
Bakı, 28 fevral, AZƏRTAC
Kişi voleybolçulardan ibarət Azərbaycan milli komandası Gümüş Avropa Liqası yarışlarında iştirak edəcək.
AZƏRTAC xəbər verir ki, baş məşqçi Fərid Cəlilovun yetirmələri “B” qrupunda Danimarka, Rumıniya və Gürcüstan yığmaları ilə qarşılaşacaqlar. Yunanıstan, Avstriya, Macarıstan, Bosniya və Herseqovina komandaları isə “A” qrupunda mübarizə aparacaq.
Turnirin qrup mərhələsinin oyunları mayın 25-dən iyunun 15-dək keçiriləcək.
Qrupun qalibləri finalda üz-üzə gələcəklər. Turnirin qalibi növbəti mövsümdən Qızıl Avropa Liqasında mübarizə aparacaq.
Bölmənin digər xəbərləri
