Kitabxanada Xalq Şairi Nigar Rəfibəylinin 100 illik yubileyinə həsr edilmiş tədbir keçirilmişdir
Bakı, 18 noyabr (AZƏRTAC). Nəsimi Rayon Mərkəzləşdirilmiş Kitabxana Sisteminin 3 nömrəli filialında Bakı Şəhər Mədəniyyət və Turizm İdarəsinin təşkilatçılığı ilə Xalq Şairi Nigar Rəfibəylinin 100 illik yubileyinə həsr edilmiş “Ala gözlüm” adlı tədbir keçirilmişdir.
Kitabxanadan AZƏRTAC-a bildirmişlər ki, tədbirdə Nigar Rəfibəylinin həyat və yaradıcılığı haqqında məlumat verilmişdir.
Kitabxananın 133 nömrəli tam orta məktəbdən olan oxucuları şairənin “Çadra” , “Ağ çiçəklər”, “Gəlmədi”, “Anaların səsi” şeirlərini söyləmişlər.
Daha sonra Bakı Dövlət Universitetinin məzunlarının Nigar Rəfibəylinin həyat və yaradıcılığına dair məruzələri dinlənilmişdir.
Tədbirdə şairənin sözlərinə bəstələnmiş mahnılar ifa edilmişdir.
Bölmənin digər xəbərləri
