KİYEVLİLƏR AZƏRBAYCAN ŞİRNİYYATI İLƏ TANIŞ OLURLAR
Azərbaycanın Ukraynadakı səfiri Tələt Əliyev tədbirdə qədim Azərbaycan mədəniyyətindən, onun ayrılmaz tərkib hissəsi olan milli mətbəximizdən söhbət açmışdır. Səfir xatırlatmışdır ki, son vaxtlar bir sıra qənnadı dükanlarının piştaxtalarında “erməni paxlavalarına” rast gəlinir. Ermənilər lavaşımızı, dolmamızı, lüləkababımızı artıq özlərinin adlarına çıxmağa başlayıblar, indi isə növbə paxlavaya çatmışdır.
Sonra “Bahar” firmasının rəhbəri Mətanət Rzayeva öz müəssisəsindən, məhsulun çeşidlərindən danışmışdır. Herontoloji Qiymətli Məhsullar İstehsalçıları Assosiasiyasının prezidenti Sergey Voronin isə Ukrayna bazarındakı Azərbaycan şirniyyatının yüksək keyfiyyətini və ona tələbat olduğunu vurğulamışdır.
Beynəlxalq müsabiqələr laureatı Bəxtiyar Ağayarovun rəhbərliyi ilə “Vətən” xoreoqrafiya ansamblı “Yallı” və “Çobanlar” rəqslərini böyük məharətlə ifa etmişdir.
