Klub prezidenti təyin olunan Rahid Əmirquliyev: "Şahdağ Qusar"ı çox yaxşı gələcək gözləyir
Bakı,19 avqust, AZƏRTAC
Həm İdarə Heyətində yer almağım, həm də futbolçu kimi çıxış etməyim insanlara bir az qəribə gələcək.
Bu sözləri AZƏRTAC-a açıqlamasında yeni mövsümdən I Liqada mübarizə aparacaq "Şahdağ Qusar" klubunun İdarə Heyətində yer alacaq, həm də komandanın kapitanı olacaq Rahid Əmirquliyev deyib.
O, komanda üçün əlindən gələni edəcəyini bildirib: "Çalışırıq ki, Qusar futbolu daim inkişaf etsin. Bu yolda bizə dəstək olan Futbolun İnkişafı Fonduna təşəkkür edirəm. Həm meydanda, həm də meydandan kənarda kluba lazımi dəstəyi verəcəyəm. Demək olar ki, heyətimizi komplektləşdirmişik. Gənc futbolçulara güvənirik. Məqsədimiz I Liqada yerimizi qorumaqdır. "Şahdağ Qusar"ı çox yaxşı gələcək gözləyir".
Qeyd edək ki, “Şahdağ Qusar” ötən mövsüm II Liqanın qalibi olaraq I Liqaya vəsiqə qazanıb.
Bölmənin digər xəbərləri
