KONDOLİZA RAYS HESAB EDİR Kİ, RUSİYANIN GÜRCÜSTANDAKI HƏRƏKƏTLƏRİ ONUN ÖZÜNÜTƏCRİDİNƏ APARIR
AZƏRTAC İTAR-TASS-a istinadla xəbər verir ki, ABŞ-ın dövlət katibi Kondoliza Rays hesab edir ki, Rusiyanın Gürcüstandakı hərəkətləri onun özünütəcridinə aparır.
Onun sözlərinə görə, dünya Rusiya qoşunlarının Gürcüstandakı hərəkətlərindən, əslində, kommersiya təyinatlı limanların və ərazilərin bombardman edilməsindən qorxuya düşmüşdür.
K.Raysın fikrincə, Rusiya Gürcüstandakı hərəkətləri ilə kiçik qonşu dövlətlərlə münasibətləri mürəkkəbləşdirməkdən başqa heç nəyə nail olmamışdır. O, telekanallara müsahibəsində ABŞ-ın sülhyaratma prosesində iştirakı ilə bağlı suala cavab verərək demişdir ki, ATƏT və Avropa İttifaqı bu məsələdə lider rolu oynaya bilərlər.
Bölmənin digər xəbərləri
