KOREYALI MÜTƏXƏSSİS TİBB MƏRKƏZİNDƏ MÜHAZİRƏ OXUMUŞDUR
Mərkəzin Seuldakı baş ofisinin mütəxəssisi Han İn Kvon bu sahədə mühazirə oxumaq üçün ölkəmizə dəvət olunmuşdur. O, iyunun 7-də jurnalislər və ictimaiyyət nümayəndələri ilə görüşmüşdür. Qonaq məlumat vermişdir ki, Koreyada 1998-ci ildən istehsal olunan “Ceragem” aparatı hazırda dünyanın 59 ölkəsində tətbiq edilir, 2500-ə yaxın “Ceragem” Sağlamlıq Mərkəzi vətəndaşlara pulsuz xidmət göstərir. 15-ə yaxın xəstəliyi müalicə etmək imkanına malik bu aparatdan MDB məkanında ilk dəfə Azərbaycanda istifadə olunmuşdur. Ötən ilin sentyabrından Bakıda fəaliyyət göstərən “Ceragem” Sağlamlıq Mərkəzində bu günədək minlərlə vətəndaşa onurğa, ürək–damar, endokrin sistemi, şəkərli diabet, öd və böyrək daşları, dəri və göz xəstəlikləri ilə bağlı pulsuz xidmət göstərilmişdir.
Xatırladaq ki, bu ilin sonunadək Bakının bir neçə rayonunda, Sumqayıt, Gəncə və Naxçıvanda da “Ceragem” sağlamlıq mərkəzlərinin açılması nəzərdə tutulur.
Bölmənin digər xəbərləri
