Kürdəmirdə təkrar qarğıdalı əkini davam edir
Kürdəmir, 16 iyul, AZƏRTAC
Kürdəmir rayonunda indiyədək 1502 hektarda təkrar qarğıdalı əkini aparılıb və hazırda bu iş davam etdirilir.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, əkilən sahələrin 688,6 hektarı dənlik, qalanı isə silosluqdur. Hər yerdə, xüsusilə Muradxan, Qarasaqqal, Topalhəsənli, Mollakənd, Karrar razi dairələrində fermerlər və fiziki şəxslər təkrar qarğıdalı əkinində daha çox fəallıq göstərirlər. Bu iş üçün kifayət qədər texnika ayrılıb və daha 200 hektarda təkrar qarğıdalı əkiləcək.
Qeyd edək ki, ilkin əkin aparılar sahələrdə normal çıxış alınıb və bu yerlərdə aqrotexniki qaydalara uyğun olaraq becərmə işləri görülür.
Bölmənin digər xəbərləri
