KÜVEYTİN YENİ ƏMİRİ TƏYİN EDİLMİŞDİR
Hakimiyyətin yeni hökmdara verilməsi əvvəlki əmir şeyx Saad əl-Abdulla əs-Sabahın xəstəliyi ilə əlaqədar taxt-tacdan uzaqlaşdırılmasından sonra mümkün olmuşdur. Hökumətin iclasından əvvəl Küveyt parlamenti onun dövləti idarə etməyə qadir olmaması ilə əlaqədar əmir vəzifəsindən getməsinə yekdilliklə səs vermişdir.
Şeyx Sabah əl-Əhməd əs-Sabah 75 yaşındadır və son dörd ildə əmirliyi, əslində, o idarə edirdi. Çünki dekabrın 15-də dünyasını dəyişən əmir şeyx Cabir və o vaxt vəliəhd olan şeyx Saad səhhətlərinin vəziyyətinə görə bunu edə bilmirdilər.
Şeyx Sabah Küveyt parlamentində and içməlidir. O, yalnız bundan sonra rəsmən dövlətin başçısı olacaqdır. Gözlənildiyinə görə, yeni əmirin andiçmə mərasimi bu bazar günü keçiriləcəkdir.
Bölmənin digər xəbərləri
