Kventin Tarantino 2023-cü ildə səkkiz bölümlü serial çəkəcək
Bakı, 19 noyabr, AZƏRTAC
Dünyaşöhrətli rejissor Kventin Tarantino 2023-cü ildə səkkiz seriyalı film çəkməyi planlaşdırdığını açıqlayıb.
AZƏRTAC kulturomania.ru saytına istinadla xəbər verir ki, rejissor bu barədə özünün “Kino haqqında düşüncələr” kitabının təqdimatı çərçivəsində danışıb. K.Tarantino bundan əvvəl “Təcili yardım” serialını, həmçinin “C.S.I. Cinayət yeri" filminin iki bölümünü çəkib. O, gələcək layihənin təfərrüatlarını açıqlamayıb.
Qeyd edək ki, 2019-cu ildə K.Tarantino “Ov qanunu” (“The Law of the Hunt”) adlı filmini çəkmək istədiyini açıqlamışdı. K.Tarantino, həmçinin müsahibələrinin birində “Bir zamanlar... Hollivudda” ("Once Upon a Time in... Hollywood") adlı ekran əsərini özünün sevimli filmi adlandırıb. Rejissor bu qərarının səbəbini isə açıqlamayıb.
Bölmənin digər xəbərləri
