KXDR BİRLƏŞMİŞ ŞTATLARI İKİLİ STANDARTLARDA TƏQSİRLƏNDİRİR

20.09.2004 [14:58]
Çap et
A⁺ A^-

AZƏRTAC-ın Assoşieyted Press agentliyindən aldığı xəbərə görə, Şimali Koreya hökuməti bəyan etmişdir ki, BMT komissiyasının Cənubi Koreyada apardığı təhqiqatın nəticələrini gözləməyərək, öz nüvə proqramını dayandırmaq niyyətində deyildir.

KXDR-in rəsmi mətbu orqanı “Rodon Şinamun” qəzeti yazır ki, Cənubi Koreya hökumətinin 1982-ci ildən 2000-ci ilədək nüvə araşdırmaları sahəsində gizli fəaliyyət göstərməsi ABŞ-ın öz müttəfiqləri barədə tətbiq etdiyi ikili standartların labüd nəticəsi olmuşdur. Pxenyanın fikrincə, ABŞ-ın məqsədi heç də Koreya yarımadasının təhlükəsizliyi deyil, məhz Şimali Koreyanı zəiflətməkdir.

Xatırladaq ki, ötən həftə KXDR “ABŞ-ın düşmən mövqeyinə görə” öz nüvə proqramlarına dair altıtərəfli danışıqlarda iştirakdan imtina etmişdir.