Lefkoşada ali təhsil sahəsində Azərbaycanla əməkdaşlığın Yol xəritəsi müəyyən edilib
Ankara, 10 iyul, AZƏRTAC
Şimali Kipr Türk Cümhuriyyətinin (ŞKTC) Milli Təhsil Nazirliyində Azərbaycanla ali təhsil sahəsində əməkdaşlığa həsr olunmuş görüş keçirilib.
AZƏRTAC xəbər verir ki, ŞKTC-nin milli təhsil naziri Nazım Çavuşoğlunun sədrliyi ilə keçirilən görüşdə Şimali Kipr universitetlərinin Azərbaycandakı imkanlarının təqdimatı olub, həmçinin iki ölkənin ali təhsil müəssisələri arasında əlaqələrin qurulması ilə bağlı fikir mübadiləsi aparılıb.
Müzakirələrdə Şərqi Aralıq dənizi Universitetinin rektoru Hasan Kılıç və başqaları iştirak ediblər.
Azərbaycanda ŞKTC universitetlərinin sərgilərinin təşkili, Şimali Kipr universitetlərinin imkanlarını təqdim etmək üçün ofislərin açılması, iki ölkənin gəncləri arasında sıx təmasların yaradılacağı Yol xəritəsi müəyyən edilib.
Nazir N.Çavuşoğlu qeyd edib: “ŞKTC ilə Azərbaycanı tarixi qardaşlıq bağları birləşdirir. Təhsil və mədəniyyət sahəsində əməkdaşlığımızı nümayiş etdirmək çox vacibdir”.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
