“LƏNKƏRAN REGİONAL ENERJİ TƏCHİZATI” MÜƏSSİSƏSİ ÜZRƏ ÖDƏNİŞ 28 FAİZ ARTMIŞDIR
“Azərenerji” ASC-nin mətbuat xidmətindən AZƏRTAC-a bildirmişlər ki, “Lənkəran Regional Enerji Təchizatı” müəssisəsi üzrə cari ilin 7 ayında ötən ilin müvafiq dövrü ilə müqayisədə istehlak edilmiş elektrik enerjisinin miqdarı 15 faizə yaxın azalmış, ümumi ödəniş 28 faizə yaxın artmışdır.
Hesabat dövründə 175 milyon kilovatsaata yaxın elektrik enerjisi istehlak edilmişdir ki, bu da ötən ilin müvafiq dövrü ilə müqayisədə 30 milyon kilovatsaat azdır. Ümumi ödəniş isə 63 faizə yaxın olmuşdur.
Təkcə iyulda müəssisə üzrə 24 milyon kilovatsaatdan artıq elektrik enerjisi istehlak olunmuşdur. Bunun istehlak dəyərinin 1 milyon manatdan çoxunun (70,1 faiz) ödənişi təmin edilmişdir.
Ötən ay müəssisə üzrə ödənişin ən yüksək göstərici Lerik PEŞ-də (76 faiz), ən aşağı göstərici isə Masallı PEŞ-də ( 67 faiz) qeydə alınmışdır.
Bölmənin digər xəbərləri
