LƏNKƏRANDA HEYDƏR ƏLİYEV İDARƏÇİLİKUNİVERSİTETİNİN NÖVBƏTİ MƏŞĞƏLƏSİ OLMUŞDUR
Tədbirdə Milli Məclisin deputatı, tarix elmləri doktoru, professor Yaqub Mahmudov çıxış edərək 20 yanvar faciəsinin yaranma səbəbləri, həmin dövrdə Azərbaycanda başlanan milli-azadlıq hərəkatının tarixi əhəmiyyəti barədə danışmış, xalqımıza qarşı törədilmiş qanlı cinayətə və xəyanətə, sovet imperiyasının mənfur siyasətinə qarşı birinci olaraq Heydər Əliyevin etiraz səsini qaldırdığını bildirmiş, məhz ümummilli liderimizin ikinci dəfə hakimiyyətə qayıdışından sonra yanvar faciəsinə hüquqi və siyasi qiymətin verildiyini diqqətə çatdırmışdır.
Məşğələdə şəhər icra hakimiyyəti başçısının birinci müavini İlqar Dadaşov, Lənkəran Dövlət Universitetinin müəllimi Mirhaşım Talışlı, Şəhid Anaları Cəmiyyəti şəhər təşkilatının sədri Züleyxa Əliyeva və başqaları çıxış edərək 20 yanvar faciəsinin tariximizin həm qanlı, həm də qəhrəmənlıq səhifəsi olduğunu vurğulamış, xalqımızın azadlığı və torpaqlarımızın bütövlüyü uğrunda mübarizədə həlak olanların ailələrinə Prezident İlham Əliyev tərəfindən daim qayğı göstərildiyini bildirmişlər.
Bölmənin digər xəbərləri
