LƏNKƏRANDA QUŞ QRİPİ XƏSTƏLİYİ İLƏ ƏLAQƏDAR TRENİNQ KEÇİRİLMİŞDİR

01.04.2006 [17:19]
Çap et
A⁺ A^-

AZƏRTAC-ın müxbiri xəbər verir ki, Lənkəran şəhərindəki baytarlıq laboratoriyasında quş qripi xəstəliyinin profilaktikası ilə əlaqədar treninq keçirilmişdir.

ABŞ-ın Beynəlxalq İnkişaf Agentliyinin maliyyə dəstəyi ilə Azərbaycan Aqrobiznes Mərkəzi tərəfindən keçirilən təlim məşğələsində Salyan, Biləsuvar, Cəlilabad, Masallı, Yardımlı, Lerik, Lənkəran və Astara rayonları baytarlıq idarələrinin va baytarlıq laboratoriyalarının mütəxəssisləri iştirak etmişlər.

Treninqdə ABŞ-ın Missuri Kolumbiya Universitetinin professoru Cefri Forman çıxış edərək quş qripi xəstəliyinin yaranma tarixi, xəstəliyin törətdiyi fəsadlar, onun yayılması və yoluxması, profilaktiki tədbirlər barədə ətraflı məlumat vermişdir.

Təlim məşğələsində quş qripi ilə əlaqədar sənədli film nümayiş etdirilmişdir.

Tədbirdə Azərbaycan Aqrobiznes Mərkəzinin rəhbəri Vilyam Livayn jurnalistlərin suallarını cavablandırmışdır.