LƏNKƏRANDA SÜD EMALI ZAVODU İSTİFADƏYƏ VERİLMİŞDİR
AZƏRTAC xəbər verir ki, regionların sosial-iqtisadi inkişafı Dövlət Proqramında nəzərdə tutulan tədbirlərə müvafiq olaraq Lənkəran şəhərində süd emalı zavodu istifadəyə verilmişdir.
«Palmali» şirkəti tərəfindən inşa edilən yeni müəssisədə gün ərzində 100 tondan çox süd məhsulları emal etmək üçün müasir texniki avadanlıq quraşdırılmışdır. Zavodda 150 nəfər daimi işlə təmin ediləcəkdir.
«PAL SÜD» ticarət nişanı ilə 25 çeşiddə süd məhsulları emal edəcək zavodda yerli sakinlərlə yanaşı, xarici mütəxəssislər də çalışacaqdır.
Açılış mərasimində iştirak edən Lənkəran Şəhər İcra Hakimiyyətinin başçısı Süleyman Mikayılov zavodda istehsal prosesi və burada çalışan işçilər üçün yaradılan şəraitlə tanış olmuşdur.
Bölmənin digər xəbərləri
