LİBERİYANIN SABİQ PREZİDENTİ YOXA ÇIXMIŞDIR
Martın 27-də Nigeriya hökuməti BMT-nin Tanzaniyada yaratdığı tribunalın üç ildir ələ keçirməyə çalışdığı keçmiş diktatorun ekstradisiyasına razılıq vermişdir.
Teylor Syerra-Leonedə İnqilabi Birləşmiş Cəbhə qiyamçılarını silahlandırmaqda və hazırlamaqda ittiham olunur. Həmin qurumun yaraqlıları dinc vətəndaşlara qarşı amansızlığı ilə ad çıxarmışlar. Bu Afrika ölkəsində müharibə 200 mindən çox insanın həyatına son qoymuşdur.
Müasir dövrün ən qəddar diktatorlarından birinin ordusunda adam əti yemək geniş hal almışdı. O, həmdə narkotik maddələrlə bihuş edilən yeniyetmələrdən ibarət batalyon yaratmışdı.
2003-cü ilin avqustunda Teylor dövlət başçısı səlahiyyətini öz üzərindən götürərək, üsyançıların mühasirəyə aldığı Monroviyanı tərk etmiş və Nigeriyada siyasi sığınacaq almışdır. BMT-nin Syerra-Leonedəki tribunalı ona qarşı ittiham hökmü irəli sürmüş, lakin diktatorun təhvil verilməsinə nail ola bilməmişdir.
2004-cü ilin martında BMT Təhlükəsizlik Şurasının qəbul etdiyi qətnamədə bütün dövlətlərə istər Teylorun, istərsə də onun tərəfdarlarının aşkara çıxarılan maliyyə aktivlərinə və əmlakına həbs qoyulması bir vəzifə olaraq tapşırılmışdır.
Liberiyanın indiki Prezidenti xanım Elen Conson-Serlif martda BMT-də olarkən Afrika ölkələrini Teylorun Beynəlxalq tribunala təhvil verilməsi məsələsini həll etməyə çağırmışdır.
Bölmənin digər xəbərləri
