Litvada dördgünlük iş həftəsinin tətbiqi müzakirə olunur
Bakı, 2 sentyabr, AZƏRTAC
Litvada dördgünlük iş həftəsi ilə bağlı müzakirələr yenidən başlayıb.
AZƏRTAC xəbər verir ki, Litvanın Baş naziri İnqa Ruqinyene dördgünlük iş həftəsinin gələcəkdə labüdlüyünü və hər yerdə həyata keçirilməli olduğunu iddia edir. O, iş yerlərinin getdikcə məsafədən işləməyə və çevik iş-həyat balansı yaratmağa imkan verən texnologiya ilə təchiz olunduğunu vurğulayıb. Baş nazirin sözlərinə görə, daha qısa iş həftəsi məhsuldarlığı artıracaq. Bu barədə “lsm.lv” xəbər portalı yazır.
“Gijos” enerji şirkətində işçilərin 80%-i həftədə beş deyil, artıq dörd gün işləyir. Bu model bir neçə ildir istifadə olunur. Şirkət nümayəndəsinin sözlərinə görə, iş günlərinin sayının azaldılması işin səmərəliliyini artırıb və işçilərin ailə, hobbi və təhsil üçün daha çox asudə vaxtı var. Bununla belə, bəzi işçilər qısa iş həftəsindən yararlana bilmir. Şirkətin işçilərinin beşdəbiri müştərilərin fasiləsiz su təchizatını təmin etməlidir.
Biznes Konfederasiyasının prezidenti Andrius Romanovskis ideyanı siyasi futurizm adlandırır, lakin digər biznes nümayəndələri deyirlər ki, şirkətlər daha qısa iş həftəsinə hazır deyil və belə dəyişikliklər böyük investisiyalar tələb edir.
Bölmənin digər xəbərləri
