LONDON MÜSƏLMANLARI POLİSƏ BOYKOT ELAN ETMƏYƏ HAZIRLAŞIRLAR
Mitinq təşkilatçılarından biri, radikal “Əl-Mühacirun” hərəkatının lideri Ancem Çodari bildirmişdir ki, müsəlmanları Britaniyada ikinci növ vətəndaş sayırlar. Bu yaxınlarda yaradılan Hörmət Partiyasının fəalı İvonna Ridli müsəlmanları hüquq mühafizə orqanları ilə əməkdaşlığı tamamilə dayandıraraq, polisi boykot etməyə çağırmışdır. Onun fikrincə, Britaniya polisinin fəaliyyəti son vaxtlar “islama nifrət”i ilə fərqlənir.
Londonda xüsusi əməliyyat iyunun 2-də keçirilmişdir. Polislər partladıcı və çox zərərli maddələrin saxlandığı ehtimal olunan evlərdən birinə girmişdilər. Operativ məlumata görə, terrorçular kimyəvi silah tətbiqi yolu ilə Londonda terror aktı həyata keçirməyi planlaşdırırdı. Əməliyyat zamanı əslən banqladeşli iki qardaş həbsə alınmışdı. Onlar terrorçu olduqlarını qətiyyətlə rədd edirdilər. Şübhəlilərdən biri – Məhəmməd Abdul Qəhar isə reyd zamanı yaralanmışdı. Skotland-Yardın nümayəndələri sonradan etiraf etmişlər ki, əməliyyat saxta informasiya əsasında həyata keçirilmişdir.
Bölmənin digər xəbərləri
