MACAR HAKİMLƏRİN QƏBUL EDƏCƏKLƏRİ QƏRAR ƏDALƏTLİ OLACAQ
Macarıstan Xarici İşlər Nazirliyinin siyasi məsələlər üzrə dövlət katibi Andraş Barşoni AZƏRTAC-ın müxbirinə demişdir ki, macar hakimlərin Azərbaycan Silahlı Qüvvələrinin baş leytenantı Ramil Səfərovun işi ilə bağlı qəbul edəcəkləri qərar ədalətli olacaqdır.
Bunun siyasi məsələ olmadığını qeyd edən A.Barşoni bildirmişdir ki, Macarıstandakı erməni lobbisinin, eləcə də Ermənistan hökumətinin məhkəməyə təsiri barədə məlumatlar əsassızdır.
A.Barşoninin sözlərinə görə, bəzi qüvvələrin bundan siyasi məqsədlər üçün istifadə edərək, ölkələrimiz arasında dostluq münasibətlərini pozmaq cəhdi də əbəsdir: “Heç bir qüvvə Macarıstan məhkəmələrinə təsir edə, yanlış qərarın qəbuluna nail ola bilməz. Macarıstan hökuməti də buna imkan verməz”.
Bölmənin digər xəbərləri
