MACARISTAN AZƏRBAYCANLILARI MİLLƏTİN DAHA SIX BİRLƏŞDİRİLMƏSİ SAHƏSİNDƏ PREZİDENT İLHAM ƏLİYEVİN SƏYLƏRİNİ DƏSTƏKLƏYİRLƏR
Səfir Həsən Həsənov Bakıda keçirilmiş Dünya azərbaycanlılarının II qurultayı barədə həmvətənlərimizə məlumat vermişdir. O, diasporumuzun yaranmasının ümummilli lider Heydər Əliyevin adı ilə bağlı olduğunu vurğulayaraq bildirmişdir ki, Prezident İlham Əliyevin başçılığı ilə ölkə rəhbərliyi millətin daha sıx birləşdirilməsi sahəsində fəal siyasəti layiqincə və səmərəli surətdə davam etdirir.
Prezidentin xaricdə yaşayan həmvətənlərimiz qarşısında qoyduğu başlıca vəzifələrdən danışan diplomat soydaşlarımızı öz tarixi vətəni ilə əlaqələri möhkəmləndirməyə çağırmışdır. O, ölkəmizin tarixi və müasir reallıqlarının dünya ictimaiyyətinə çatdırılmasının vacibliyini vurğulayaraq demişdir ki, onların Macarıstanın siyasi və ictimai həyatında fəal iştirakı buna kömək edəcəkdir.
Sonda səfir Prezident İlham Əliyevin Novruz bayramı münasibətilə təbrikini soydaşlarımıza çatdırmışdır.
Səfirlik mətbuat üçün Dünya azərbaycanlılarının II qurultayında Prezident İlham Əliyevin nitqindən və forumun digər materiallarından ibarət məlumat hazırlayıb yaymışdır.
Bölmənin digər xəbərləri
