MALAYZİYADA UŞAĞI MƏKTƏBƏ GÖNDƏRMƏYƏN VALİDEYNLƏRİ CƏZALANDIRACAQLAR

03.11.2006 [20:34]
Çap et
A⁺ A^-

AZƏRTAC “Novosti” agentliyinə istinadla xəbər verir ki, noyabrın 2-də Malayziyanın təhsil nazirinin müavini Xon Çun Kim Kuala-Lumpurda mətbuat konfransında bildirmişdir ki, məktəbə getməyən kiçik məktəbyaşlı uşaqların sayının artması hökumətdə ciddi narahatlıq doğurur.

Xon Çun Kim demişdir: “Bizim idarənin apardığı statistikaya əsasən, hər il birinci sinfə təqribən 500 min uşaq gedir. Lakin son illər birinci siniflərin sayının azalması təşviş doğurur. Bu il məktəbdən kənarda qalanların sayı 4 faizə çatmışdır. YUNESKO-nun illik hesabatında birinci sinfə gedən uşaqların sayı durmadan azalan, əhalinin sayı isə artmaqda davam edən ölkələrin siyahısı verilir. 24 belə ölkə arasında Malayziya, Maldiv adaları, Litva və Fələstin də vardır”.

Nazir müavininin sözlərinə görə, indən belə uşaqları məktəbə göndərməyən valideynlər 1,4 min dollar məbləğində cərimələnəcəklər. Yeni qanunun təkrar pozulmasına görə isə onlar 6 ay azadlıqdan məhrumetmə yerlərində qalmalı olacaqlar.

MALAYZİYADA UŞAĞI MƏKTƏBƏ GÖNDƏRMƏYƏN VALİDEYNLƏRİ CƏZALANDIRACAQLAR

MÜƏLLİFLƏ ƏLAQƏ

Bölmənin digər xəbərləri