Marko Rubio Çin vətəndaşlarına verilən tələbə vizalarının ləğvi üçün yeni planı açıqlayıb
Bakı, 29 may, AZƏRTAC
ABŞ Dövlət katibi Marko Rubio Çin vətəndaşlarına verilən tələbə vizalarının ləğvi üçün yeni planı açıqlayıb.
AZƏRTAC “Newsweek” nəşrinə istinadla xəbər verir ki, bununla da Pekin və Vaşinqton arasında qarşıdurma yeni səviyyəyə yüksəlib.
“Birləşmiş Ştatlar Çin Kommunist Partiyası ilə əlaqəsi olan və ya kritik sahələrdə təhsil alan şəxslər də daxil olmaqla, çinli tələbələrin vizalarını ləğv edəcək”, - deyə diplomat bildirib.
Ağ ev, həmçinin ABŞ konsulluqlarında və səfirliklərində tələbə vizasının verilməsi ilə bağlı bütün prosedurları dayandırıb. Fasilə zamanı tələbə vizası üçün müraciət edənlərin sosial media yoxlanışından keçməsini tələb edən yeni siyasət müzakirə olunacaq.
Tələbə vizaların ləğvi ilə bağlı kəskin etirazını ifadə edən Çinin Xarici İşlər Nazirliyinin rəsmi nümayəndəsi Mao Nin Birləşmiş Ştatları milli təhlükəsizliyi bəhanə edərək ideoloji səbəblərə görə davranmaqda günahlandırıb.
Bölmənin digər xəbərləri
