Masallıda sərbəst güləş üzrə açıq rayon birinciliyində 100-ə yaxın idmançı mübarizə aparıb
Masallı, 16 noyabr, Bağır Əliyev, AZƏRTAC
Masallı Olimpiya Kompleksində Zəfər Gününə həsr olunmuş yeniyetmələr arasında sərbəst güləş üzrə açıq rayon birinciliyi keçirilib.
AZƏRTAC-ın bölgə müxbiri xəbər verir ki, iki gün davam edən yarışda Masallı, Lənkəran, Astara, Cəlilabad, İmişli rayonlarını, Gəncə və Bakı şəhərlərini təmsil edən 100-ə yaxın idmançı müxtəlif çəki dərəcələrində qələbə uğrunda mübarizə aparıb.
Açıq rayon birinciliyinin yekun nəticələrinə əsasən, “Masallı” komandası birinci, Bakının “Roil” komandası ikinci, “Lənkəran” komandası üçüncü yerə layiq görülüblər.
Qaliblərə kubok, medal və diplomlar təqdim olunub.
Bölmənin digər xəbərləri
