MASALLIDA YENİYETMƏLƏR ARASINDA SƏRBƏST VƏ YUNAN-ROMA GÜLƏŞİ ÜZRƏ ZONA YARIŞLARI KEÇİRİLMİŞDİR
Masallı, 9 oktyabr (AZƏRTAC). Masallı Olimpiya İdman Kompleksində 1993-1995-ci il təvəllüdlü yeniyetmələr arasında sərbəst və yunan-Roma güləşi üzrə zona yarışları keçirilmişdir.
Azərbaycan Güləş Federasiyasının, Masallı rayon gənclər və idman idarəsinin təşkilatçılığı ilə dörd gün davam edən yarışlarda respublikamızın 18 şəhər və rayonundan gəlmiş 200 nəfərədək idmançı sərbəst güləş, 8 rayonun 100-dən artıq gənc pəhləvanı isə yunan-Roma güləşi üzrə 10 çəki dərəcəsində qalib adı uğrunda mübarizə aparmışdır.
Qaliblərə diplomlar, medallar və pul mükafatları təqdim edilmişdir.
Zona yarışlarının mükafatçıları noyabrda Rəşid Məmmədyarovun xatirəsinə həsr olunmuş respublika turnirində iştirak etmək hüququ qazanmışlar. Həmin turnirdə qalib gələn idmançılar isə 2010-cu ilin yanvarında Bakı şəhərində şəhid Müşfiq İsayevin xatirəsinə həsr olunmuş sərbəst və yunan-Roma güləşi üzrə beynəlxalq turnirdə mübarizə aparacaqlar.
Bölmənin digər xəbərləri
