MAYKL FELPS İDMAN TARİXİNDƏ İLK DƏFƏ 11 DƏFƏ OLİMPİYA QIZIL MEDALI QAZANMIŞDIR
AZƏRTAC xəbər verir ki, Pekindəki “Su kubu” Olimpiya hovuzunda növbəti yarış günü həqiqətən tarixi idman nailiyyəti ilə yadda qalmışdır. ABŞ yığmasının üzvü Maykl Felps 200 metr məsafəyə batterflyay üsulu ilə üzməkdə
və 4x200 metr məsafəyə komanda estafet yarışında qələbə qazanaraq, 11 dəfə Olimpiya çempionu olmuşdur.
Felps Olimpiadada qazanılmış qızıl medalların sayına görə mütləq rekordçu olub, 9 dəfə Olimpiya çempionu sovet gimnastı Larisa Latıninanın sanki əlçatmaz nailiyyətini üstələmişdir.
23 yaşlı idmançı indiki Olimpiadada hələlik beş mümkün medaldan beşini qazanmışdır.
Hazırda Felps özünün əsas məqsədinə - bir Olimpiadada qazanılmış qızıl medalların sayına görə həmvətəni Mark Spitsanın rekordunu təzələmək məqsədinə yaxınlaşmışdır. M.Spitsa 1972-ci ildə Münxendə 7 qızıl medala layiq görülmüşdü. Felps qarşıdakı 3 yarışın hər birində qalib gəlsə, M.Spitsanın rekordunu təzələyəcəkdir.
Xatırladaq ki, M.Felps Afina Olimpiadasında 6 qızıl medal qazanmışdı.
Bölmənin digər xəbərləri
