“McLaren” Daniel Rikkardo ilə uzunmüddətli müqavilə imzalayıb
Bakı, 14 may, AZƏRTAC
Formula 1 yarışlarında çıxış edən “McLaren” komandası avstraliyalı pilot Daniel Rikkardo ilə uzunmüddətli müqavilə imzalayıb.
AZƏRTAC xəbər verir ki, Britaniya təmsilçisi cari mövsümün sonunda ispaniyalı sürücüsü Karlos Saynsla yollarını ayıracaq.
“McLaren” D.Rikkardo üçün sonuncu dörd ildə üçüncü komanda olacaq. Belə ki, D.Rikkardo daha öncə HRT, “Toro Rosso” və “Red Bull” komandalarının şərəfini qoruyub. 2018-ci ilin yayında avstraliyalı pilot gözlənilmədən “Renault” komandasına keçmişdi. Pilot ötən mövsümü Fransa komandasının heyətində keçirmişdi.
K.Saynsı “McLaren”də məhz D.Rikkardo əvəzləyəcək. 2021-ci ildə D.Rikkardo Lando Norris ilə birgə “McLaren”in uğurları üçün yarışacaq.
Bölmənin digər xəbərləri
