MDB ÖLKƏLƏRİ HÖKUMƏTLƏRARASI ŞURASININ İCLASI BAKIDA KEÇİRİLƏCƏKDİR
İclasda MDB-yə üzv olan ölkələrin ümumi aqrar bazarı haqqında Sazişin yerinə yetirilməsinin gedişi, dövlətlərarası proqramların hazırlanması, Ümumi aqrar bazarın formalaşması və aqrar-sənaye kompleksi sahələrində əməkdaşlığın inkişaf etdirilməsi layihələri müzakirə ediləcəkdir.
İclasda həmçinin “Bu il Birlik ölkələrində aqrar-sənaye üzrə istehsalın vəziyyəti”, “2010-cu ilə qədər olan dövrdə MDB-də taxıl bazarı yaradılması və fəaliyyət göstərməsinin əsas istiqamətlərinin həyata keçirilməsi”, habelə meyvə-tərəvəz məhsulu və kartof, şəkər, üzüm və ondan hazırlanan şərab məhsulları bazarlarının yaradılması məsələləri gündəliyə daxil edilmişdir.
Hökumətlərarası şuranın iclasında MDB ölkələri arasında aqrar sahədə dövlətlərarası əməkdaşlıq orqanlarının işinin təkmilləşdirilməsi məsələləri də nəzərdən keçiriləcəkdir.
İclasda MDB-nin aqrar-sənaye kompleksi üzrə Hökumətlərarası Şurasının sədri seçiləcəkdir.
Bölmənin digər xəbərləri
