MDB ÖLKƏLƏRİNİN HHQ BAŞ KOMANDANLARI HAVA HÜCUMUNDAN MÜDAFİƏ MƏSƏLƏLƏRİNİ MÜZAKİRƏ EDƏCƏKLƏR
AZƏRTAC-ın müxbiri Rusiya hərbi hava qüvvələrinin mətbuat xidmətinə istinadla xəbər verir ki, martın 17-19-da Moskvada MDB ölkələrinin Müdafiə Nazirləri Şurası yanında hava hücumundan müdafiə (HHM) məsələləri üzrə əlaqələndirmə komitəsinin iclası keçiriləcəkdir. İclasda Birlik dövlətlərinin HHQ və hava hücumundan müdafiə qüvvələrinin baş komandanları HHM məsələlərini müzakirə edəcəklər.
İclas MDB dövlətləri Müdafiə Nazirləri Şurası yanında HHM məsələləri üzrə əlaqələndirmə komitəsinin başçısı, Rusiya HHQ-nin baş komandanı, ordu generalı Vladimir Mixaylovun sədrliyi ilə keçiriləcəkdir. Tədbirdə MDB ölkələrinin birləşmiş HHM sistemi çərçivəsində hava hücumundan müdafiə sahəsində birgə döyüş növbətçiliyinin yaxşılaşdırılmasına dair 10-dan çox məsələ müzakirə olunacaqdır.
Bölmənin digər xəbərləri
