MDB XÜSUSİ XİDMƏT ORQANLARI RƏHBƏRLƏRİNİN İCLASI KEÇİRİLMİŞDİR

26.09.2004 [22:29]
Çap et
A⁺ A^-

Almatıda MDB-nin üzvü olan dövlətlərin Təhlükəsizlik və Kəşfiyyat Xidmətləri Rəhbərləri Müşavirəsinin 5-ci iclası başa çatmışdır.

İclasda Azərbaycanı milli təhlükəsizlik naziri Eldar Mahmudovun başçılığı ilə nümayəndə heyəti təmsil etmişdir.

Yığıncaqda iqtisadi təhlükəsizlik sahəsində əməkdaşlıq, müasir şəraitdə beynəlxalq terrorizmlə mübarizə, qeyri-qanuni yolla əldə edilmiş kapitalın silinməsi, valyuta-maliyyə və investisiya sahələrində fırıldaqçılıq, xammal və strateji məhsulların qaçaqmalçılığına qarşı birgə mübarizə məsələləri müzakirə olunmuşdur.

Yığıncaq iştirakçıları belə qərara gəlmişlər ki, iclas nəzarəti, narkotiklərin daşınmasının və beynəlxalq terrorçu təşkilatların vaxtında aşkar edilməsi sahəsində tədbirlər planı hazırlanmalıdır. Qeyri-qanuni miqrasiya kimi kəskin problemin həllində xüsusi xidmət orqanlarının gücündən səmərəli istifadə edilməsi də müzakirə obyekti olmuşdur.

İclasda Müşavirənin Nizamnaməsində, həmçinin əməkdaşlığın əsas prinsipləri ilə bağlı sazişdə dəyişikliklər edilmişdir.

Qazaxıstan Milli Təhlükəsizlik Komitəsinin rəhbəri Nartay Dutbayev müşavirənin sədri seçilmişdir.

Tədbirin yekunu kimi memorandum qəbul edilmişdir.