Məktəblərdə sağlam qidalanma ilə bağlı monitorinqlər aparılır
Bakı, 3 mart, AZƏRTAC
Bakı Şəhəri üzrə Təhsil İdarəsinin (BŞTİ) tabeliyindəki məktəblərdə şagirdlərin sağlam qidalanması ilə bağlı monitorinqlər keçirilir.
Bu barədə AZƏRTAC-a BŞTİ-dən məlumat verilib.
Paytaxtın seçmə üsulla müəyyənləşdirilmiş təhsil müəssisələrində təşkil olunan monitorinqlərin əsas məqsədi məktəblərin ictimai-iaşə sahəsində tövsiyə olunan avadanlıqlarla təchizatının, sanitar-epidemioloji qaydaların və normaların tələblərinə uyğunluğunun araşdırılması, fəaliyyətin optimal təşkili istiqamətində müvafiq tövsiyələrin verilməsi və metodiki köməyin göstərilməsindən ibarətdir.
Monitorinqlər zamanı müvafiq tələblərə riayət edilməsi vəziyyətinin qiymətləndirilməsi aparılıb, mütəmadi olaraq profilaktik tədbirlərin həyata keçirilməsi üçün metodiki göstərişlər verilib və nəzarət tədbirlərinin gücləndirilməsi üçün zəruri addımlar atılıb.
Bölmənin digər xəbərləri
