“Mercedes”in pilotu Luis Hamilton dördüncü dəfə dünya çempionu olub
Bakı, 30 oktyabr, AZƏRTAC
“Mercedes”in pilotu Luis Hamilton Formula-1 üzrə 2017-ci il dünya çempionatının qalibi olub.
AZƏRTAC xəbər verir ki, Meksika Qran-Prisində finişə doqquzuncu çatmasına baxmayaraq Luis Hamilton mövsümün başa çatmasına iki mərhələ qalmış ümumi xal hesabında bütün rəqiblərini qabaqlayıb.
Dördüncü dəfə dünya çempionu olan 32 yaşlı britaniyalı pilot 333 xalla pilotların sıralamasında birinci yerdədir. İkinci sırada “Ferrari”nin almaniyalı pilotu Sebastyan Fettel (227 xal), “Mercedes”in digər üzvü Valtteri Bottas (262 xal) isə üçüncü pillədə qərarlaşıblar.
Meksika Qran-Prisinin qalibi “Red Bull”un pilotu Maks Ferstappen olub.
Hazırda rekord göstərici Mixael Şumaxerə məxsusdur. Onun yeddi çempionluğu var.
Bölmənin digər xəbərləri
