Mərkəzi Elmi Kitabxananın fondları beynəlxalq mübadilə çərçivəsində yeni nəşrlərlə zənginləşir
Bakı, 16 noyabr, AZƏRTAC
AMEA-nın Mərkəzi Elmi Kitabxanasının (MEK) fondları beynəlxalq mübadilə çərçivəsində yeni nəşrlərlə zənginləşir.
MEK-dən AZƏRTAC-a bildirilib ki, bu günlərdə kitabxanaya Potsdam Universitet Kitabxanası, Şotlandiya Milli Kitabxanası, Sloveniya Elmlər Akademiyasının Kitabxanası, Yaponiyanın Neft Kimya Cəmiyyətindən müxtəlif nəşrlər daxil olub. Nəşrlər ətraf mühit, geologiya, iqlim, riyaziyyat, ictimai elmlər və başqa sahələri əhatə edir.
MEK-in xarici tərəfdaşları ilə əməkdaşlığı müntəzəm olaraq davam etdirilir və aktual mövzularla bağlı xarici nəşrlərin əldə edilməsi istiqamətində işlər aparılır.
Bölmənin digər xəbərləri
