MHŞT ÜZRƏ IX MƏRHƏLƏNİN HESABATLARINA “MUR STEFENS” ŞİRKƏTİ RƏY VERƏCƏKDİR
AZƏRTAC xəbər verir ki, Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsü (MHŞT) üzrə hökumət komissiyası, Azərbaycanın neft və qaz sənayesində fəaliyyət göstərən yerli və xarici şirkətlər və Mədən Sənayesində Şəffaflığın Artırılması Koalisiyası arasında imzalanmış Qarşılıqlı anlaşma memorandumuna uyğun olaraq təsis edilmiş Seçim qrupunun növbəti iclası keçirilmişdir.
İclasın gedişində hasilat sənayesində fəaliyyət göstərən yerli və xarici şirkətlərin Azərbaycana ödənişləri və hökumətin yerli və xarici şirkətlərdən daxiolmalar barədə növbəti - IX hesabat mərhələsi üzrə hesabatlarını (2008-ci ilin ilk 6 ayı) təhlil edəcək audit şirkətinin seçilməsi məqsədi ilə müsabiqə keçirilmişdir. Hökuməti, Mədən Sənayesində Şəffaflığın Artırılması Koalisiyası və Şirkətlər qrupunu təmsil edən 6 nəfərdən ibarət Seçim qrupu auditin “Mur Stefens” (Moore Stephens) şirkəti tərəfindən keçirilməsinə yekdilliklə qərar vermişdir.
1907-ci ildə Londonda yaradılmış və hazırda 93 ölkədə fəaliyyət göstərən “Mur Stefens” şirkəti dünyanın mühasibatlıq və konsaltinq xidmətləri sahəsində aparıcı beynəlxalq şəbəkəsidir.
Bölmənin digər xəbərləri
