SOCAR-ın vitse-prezidenti: Regional enerji bazarlarının inteqrasiyası vacibdir
Bakı, 16 iyun, AZƏRTAC
Regional enerji bazarlarının birləşdirilməsi və ölkələr arasında əməkdaşlığın genişləndirilməsi enerji sektorunun gələcək inkişafı üçün mühüm əhəmiyyət daşıyır.
AZƏRTAC xəbər verir ki, bu sözləri SOCAR-ın vitse-prezidenti Əfqan İsayev İslam İnkişaf Bankı (İİB) Qrupunun 51-ci İllik Toplantıları çərçivəsində keçirilən “Azərbaycanın yaşıl keçidinin sürətləndirilməsi: Bərpaolunan enerji investisiya üçün cəlbedici imkan kimi” adlı sessiyada çıxışı zamanı deyib.
O bildirib ki, region ölkələri – o cümlədən Mərkəzi Asiya dövlətləri və Xəzər regionu arasında enerji dəhlizlərinin və əlaqələrin genişləndirilməsi gələcək üçün vacib istiqamətdir.
“Əsas məqsəd vahid enerji bazarının formalaşdırılmasıdır. Avropa İttifaqında olduğu kimi, region ölkələri də enerji ticarəti və mübadiləsini daha inteqrasiya olunmuş şəkildə həyata keçirə bilər. Bu prosesin reallaşması üçün müasir texnologiyalar və rəqəmsallaşma mühüm rol oynayır”,- deyə o vurğulayıb.
O əlavə edib ki, məsləhətçi və ekspert dəstəyi də bu inteqrasiya prosesinin vacib tərkib hissəsidir.
Foto - İlkin Cavanşirov
Bölmənin digər xəbərləri
