Millətlər Liqası: Azərbaycan yığması bu gün vacib oyuna çıxacaq
Bakı, 31 oktyabr, AZƏRTAC
Qadın futbolçulardan ibarət Azərbaycan milli komandası bu gün UEFA Millətlər Liqasında növbəti oyununa çıxacaq.
AZƏRTAC xəbər verir ki, Siyasət Əsgərovun baş məşqçi olduğu kollektiv dördüncü turda Monteneqro yığmasını qəbul edəcək.
“Dalğa Arena”da oynanılacaq qarşılaşma saat 16:00-da start götürəcək. Görüşü Ukraynadan olan hakimlər briqadası idarə edəcək. Baş hakim Anastasiya Romanyuka həmyerliləri Aleksandra Vdovina və İrina Petrova kömək edəcəklər. Dördüncü hakim funksiyasını Kristina Kozeroq yerinə yetirəcək.
Qeyd edək ki, üç turdan sonra aktivində 7 xalı olan Azərbaycan millisi hazırda qrup lideridir. Monteneqro seçməsi isə altı xalla ikinci pillədə yer alıb. Qarşılaşma Azərbaycan yığmasının liderliyini qoruyub saxlaması baxımından önəmlidir. Milli komanda Monteneqrodakı matçda rəqibini 1:0 hesabı ilə məğlub etmişdi.
Millətlər Liqası
C divizionu, 3-cü qrup
31 oktyabr
16:00. Azərbaycan - Monteneqro
Baş hakim: Anastasiya Romanyuk
Bakı, “Dalğa Arena”.
Bölmənin digər xəbərləri
