MİLLİ BANKIN MƏTBUAT XİDMƏTİNİN MƏLUMATI
Azərbaycan Milli Bankı aprelin 10-dan etibarən bank hesablarının açılması ilə əlaqədar yeni qaydalar tətbiq edir. Bu qaydalar “Bank hesablarının açılması qaydaları haqqında” təlimata uyğun olaraq müəyyən olunmuşdur.
Təlimatda bank hesablarının açılması qaydalarında bir sıra yeniliklər nəzərdə tutulmuşdur. Bunlardan biri, Vergilər Nazirliyi ilə əldə edilmiş razılığa əsasən ssuda hesablarının açılması şərtləri və bu zaman vergi ödəyicilərinin şəhadətnamə-dublikatının tələb olunması halları ilə bağlıdır. Həmin normativ sənədə əsasən, ssuda hesabı üzrə alınan kredit vəsaitləri müqaviləyə görə birbaşa ssuda hesabından istifadəyə yönəldilərsə və ya kreditin ödənişi həyata keçirilərsə, bu zaman qeyd olunan şəhadətnamə-dublikatın alınması tələb olunacaqdır. Digər hallarda isə, yəni kreditin istifadəsi və ödənilməsi müştərinin bu və ya digər bankda açdığı cari hesab vasitəsilə həyata keçirilərsə, şəhadətnamə-dublikat tələb olunmayacaqdır.
Sənədə əsasən qalan hesabların açılması zamanı da vergi ödəyicilərinin şəhadətnamə-dublikatı tələb olunacaqdır. -
Bölmənin digər xəbərləri
